माणसाचा जन्म देऊनी
केले उपकार माझ्यावर
तुला वाटले देवा
करीन हा जगाचा उद्धार
दिलीस मजला जिव्हा
बोलण्यास मधुर वाणी
करतो इतरांस घायाळ
माझ्या शब्दबाणांनी
हात दिलेस मजला
करण्यास मदत
करतो त्याच करांनी दंगे
घातपात
पाय दिलेस मजला
करण्या सृष्टीत संचार
मारूनी लाथ माता-पित्यास
काढतो घराबाहेर
इतरांस दिली नाही
ती बुद्धी मज दिली
गहाण ठेवूनी बुद्धी
मी झालो अहंकारी
कशास केलीे निर्माण
ही मानवजात
प्रश्न हा पडला असेल
देवा तुला स्वर्गात.