तू जवळी असता माते
उणीव ना भासे कशाची
हट्ट करुनी तुझ्याकडे
स्वप्न माझे मी पूर्ण करी
तुझी इच्छा कधी ना विचारी
काय हवे तुला ,
आवड तुझी काय
याची मला कधी ना चिंता
माझ्याच विश्वात रमले मी
कळली ना तुझ्या मनीची व्यथा
आज मात्र उणीव तुझी भासे
तुझी आवड पूर्ण करण्या
तगमग ही जीवा लागे
कुठे शोधू तुला,
हा प्रश्न मनी पडे
फोटो पुढे उभे राहुनी
नयनातून हे अश्रू गळे
या जगात पैश्याला आहे महत्व
पैसा जवळ आल्यावरच माणसाला येते महत्व
पैश्यासाठी एकमेकांचे जीव घेतात
पैश्या पाई आईबापाला विसरतात
पैश्यामुळे माणसाने माणूसपण हरवले
पैश्यानेच हेवेदावे शिकवले
पैसा जमा करण्यातच संपते जीवन
पैसा पैसा करतच येते मरण.
कठोर दिसतो बाप वरतूनी
प्रेम करी तो हृदयातूनी
नसती जवळी पैसा जरी
मुलांचे तो लाड पुरवी
झिजल्या त्याच्या चपला जरी
मुलांसाठी तो कष्ट करी
रात्री अंग पडता जमिनीवरी
उद्याची चिंता त्याला पडी
आई चे ते प्रेम दिसते
बापाचे प्रेम झाकूनी जाते
कठोर दिसत असला जरी
प्रेम करीत असतो मुलांवरी
बाप गेल्यावर महती कळते
मात्र वेळ निघून गेलेली असते
जिवंतपणी त्याला वेळ द्या
तुम्हीच आहात माझे असे एकदा
तरी म्हणत जा
सौ.वंदना ग. सुरंगलीकर
वी रास मुजरा जन्म भगुर गावी ज्या विनायकाचा झाला, बाल वयातच त्याने लढा स्वातंत्र्याचा आरंभला, काव्य,लेख,पुस्तके लिहून, देशाप्रती अभिमान जाग...